Dplahre.com

गीत (मुखड़ा) हमर मया के बगिया संगी-2 दुख मा अब मुरझाये हे कोन करम के फर ला संगी, इहाँ बिधाता लाये हे।। अंतरा-(1) कइसे तोला पाँवव बेटा, तँय आँखी के तारा गा। तोर बिना ये जग अँधियारी, सुन्ना अँगना पारा गा।। (चढ़ान) तोर बिना हम कइसे जीबो-2 (पटक) तन-मन हा भरमाये हे.. हमर मया के बगिया संगी, दुख मा अब मुरझाये हे... अंतरा-(2) तहीं अँजोरी ये बगिया के, कुल के तँय हा हीरा गा तर-तर रोवत हावय नैना, अंतस मा हे पीरा गा।।2 (चढ़ान) आज विधाता हमर करम मा-2 (पटक) दुख पीरा बरसाये हे.. हमर मया के बगिया संगी, दुख मा अब मुरझाये हे. अंतरा-(3) किलकारी अब कोन सुनाही, मया दुवारी बगिया मा। आगी जइसे लगगे हावय, भभकय बैरी छतिया मा। (चढ़ान) कलपत हावय जिंवरा भारी-2 ( पटक) किस्मत रंग दिखाये हे.. हमर मया के बगिया संगी, दुख मा अब मुरझाये हे... गीतकार डी.पी.लहरे  बायपास रोड़ कवर्धा

गीत  (गायिका) कान्हा रे तोर बंशी मा जादू भरे.. मोह डारे मन ला भिगोई डारे तन रे कइसे तैं काबू करे...ll2 (गायक) राधा ओ तोर नैना मा जादू भरे..  मोह डारे मन ला भिगोई डारे तन ला ओ कइसे तैं काबू करे..ll2 (गायिका)-अंतरा(1) जब-जब रे मैं तोला देखँव, मया छावय घनघोर। बंशी के धुन हा मया बढावय, बंशी हावय चितचोर।।2 आजा रे मोर मनके मंजूर,दुनिया हा जर-जर मरे.. मोह डारे मन ला भिगोई डारे तन ला कइसे तैं काबू करे.. अंतरा-(2) गायक जब-जब ओ मैं तोला देखँव, मया के लागय पियास। बंशी के धुन मा तोला बलावँव, झन करबे मन ला उदास।।2 आजा ओ मोर मैना मंजूर, जिनगी मा का हे धरे.. मोह डारे मन ला भिगोई डारे तन ला कइसे ओ काबू करे.. गायक+गायिका  कान्हा रे... राधा ओ... गीतकार  डी.पी.लहरे  बायपास रोड़ कवर्धा

गीत श्रृंगार  (मुखड़ा) तोर होंठ के लाली हाय- तोर कान के बाली हाय- तोर होंठ के लाली  कान के बाली..बेनी मा मोंगरा के फूल ओ अलबेली दिवानी.. करेजा ल मारा थे ओ हूल.. करेजा ला मारथे ओ हूल... अंतरा-1 खनर खनर ओ चूरी कंगना, पांव  के पैरी झनके। तोर बेनी के गजरा दौना, महर महर ओ महके।।2 (चढ़) हिरनी जइसे रेंगना गुंइयां-2 (पटक) चाल हवय मतवाली.. तोर होंठ के लाली हाय तोर कान के बाली हाय चूंदी हा चंदैनी के रात ओ मनमोहनी दिवानी,, नीक लागे तोर गोठ बात,,, अंतरा-2 लाली लुगरा बेनी फुंदरा, माथ म टिकली चमके। कंचन जइसे काया गोरी, रूप रंग हा दमके।।2 (चढ़) तोर रूप के होवय चंदा-2 (पटक) गांव गली मा चाली,,, तोर होंठ के लाली हाय, आँखी के कजरा कटार ओ अलबेली दिवानी,, अंग-अंग बरखा बहार.. अंग-अंग बरखा बहार,,, अंतरा-3 सजना संवरना मुच मुच हंसना, लेवत हावय चैना। मन ला लुभावय कोइली जइसे, गुत्तुर हे तोर बैना।।2 (चढ़) रूप मोहिनी जादू मंतर-2 (पटक) अब्बड तैं दिलवाली,, तोर होंठ के लाली हाय तोर कान के बाली हाय, गर मा हे सोनहा के हार ओ मनमोहनी दिवानी.. चाल रंगरेली कचनार... चाल रंगरेली कचनार... गीतकार  डी.पी.लहरे...

https://youtu.be/MPk_hvyW4qo

सरसी छंद गीत. कोरोना के कोहराम से,कब होंगे आजाद। पल-पल ये करता ही जाता,जन-जीवन बर्बाद।। मचा हुआ है देखो कैसे,जग में हाहाकार।। मानवता अब तार-तार है,कैसे हो उद्धार।। हिन्दू-मुस्लिम सिख-ईसाई,करें संग फरियाद। कोरोना के कोहराम से कब होंगे आजाद।।(१) मुश्किल जीना हुआ जहां में,आफत में है जान। लगा रोग कैसा ये देखो,मिलता नहीं निदान।। समझ नहीं अब आये कुछ भी,बढ़ा हुआ अवसाद।। कोरोना के कोहराम से,कब होंगे आजाद।।(२) बदहाली का जीवन जीने,हम सब हैं मजबूर। कोरोना के कारण अपने,अपनो से हैं दूर।। कोरोना से कौन लड़े अब,यहाँ नहीं सहजाद कोरोना के कोहराम से,कब होंगे आजाद ।(३) द्वारिका प्रसाद लहरे"मौज" कवर्धा छत्तीसगढ़

हमेशा जवां - खुमान संगीत : कुछ गीतों की सूची (अधिकांश गीतों के गीतकार लक्ष्मण मस्तुरिया)  न भूतो न भविष्यति....... अमर गीत की पहचान यही है कि कहीं मुखड़ा पढ़ो तो वह गीत हृदय में सुनाई देने लगता है। आइये हृदय के रिकार्ड प्लेयर पर उनके गीत सुनें - मोर संग चलव रे........ मँय बंदत हँव दिन रात मोर धरती मैया जय होवै तोर..... मँय छत्तीसगढ़िया हँव गा....... वा रे मोर पँड़की मैना, तोर कजरेरी नैना....... मन डोले रे "माघ फगुनवा" ........ पता ले जा रे, पता दे जा रे, गाड़ीवाला....... चौरा मा गोंदा रसिया मोर बारी मा पताल...... धनी बिन जग लागे सुन्ना रे........ मोला जावन दे न रे अलबेला मोर........ कोन सुर बाजँव मँय तो घुनही बंसुरिया......... बखरी के तूमा नार बरोबर मन झूमे........ तोर खोपा मा फुँदरा रइहौं बन के......... छन्नर छन्नर पैरी बाजे, खन्नर खन्नर चूरी........ हम तोरे संगवारी कबीरा हो............. तोर बाली हे उमरिया............. नाच नचनी रे झूम झूम के झमाझम.......... कइसे दीखथे आज उदास कजरेरी मोर मैना..... प्राण तर जाई रामा, चोला तर जाई......... लहर मारे लहर बुंदिया.......... प...

*नानपन के सुरता मनभावन* कागज के जिहाद बनावन। पानी मा डोंगा बोहवावन। कूद-कूद तरिया मा नहावन। नानपन के सुरता मन भावन।। टायर के चक्का दउडावन। राजा-रानी खेल मतावन। आनी-बानी पाना बटोरन। नानपन के सुरता मन भावन।। पुतरी-पुतरा ला सम्हरावन। बोइर कुट गटागट खावन। चित्रहार के मजा उडा़वन। नानपन के सुरता मन भावन।। रेस टिप मा बड़ मेछरावन। फुगड़ी मा धुर्रा उड़वावन। चिखला मा संगी घोंडावन। नानपन के सुरता मन भावन।। चटनी बासी मन भर खावन। पैठा-चौरा मा कुदरावन। दाई के गारी मा चिचियावन। नानपन के सुरता मन भावन।। बर पीपर मा झूल-झूल जावन। लाईट गोल मा बड़ डर्रावन। खेत के बेंदरा ला भगवावन। नानपन के सुरता मन भावन।। बारी के खीरा ला चोरावन। आमा-अमली ला झर्रावन। संगी जहूरिया मन सकलावन। नानपन के सुरता मनभावन।। संगी मन संग गाना गावन। चिखला पानी मा इतरावन। बाँटी-भौंरा रोज चलावन। बचपन के सुरता मन भावन।। कतको रुखवा मा चघ जावन। गिल्ली डंडा खूब भगावन। पोरा मा पइसा लुकावन। नानपन के सुरता मन भावन।। गाँव गली मा उधम मचावन। झगरा मा कपड़ा चिरवावन। घर मा आके गारी खावन। नानपन के सुरता मन भावन।। नान्हे लइका ला बिजरावन। भँइसा के पीठ मा चढ़ ...