नानपन के सुरता

-
*नानपन के सुरता मनभावन*

कागज के जिहाद बनावन।
पानी मा डोंगा बोहवावन।
कूद-कूद तरिया मा नहावन।
नानपन के सुरता मन भावन।।

टायर के चक्का दउडावन।
राजा-रानी खेल मतावन।
आनी-बानी पाना बटोरन।
नानपन के सुरता मन भावन।।

पुतरी-पुतरा ला सम्हरावन।
बोइर कुट गटागट खावन।
चित्रहार के मजा उडा़वन।
नानपन के सुरता मन भावन।।

रेस टिप मा बड़ मेछरावन।
फुगड़ी मा धुर्रा उड़वावन।
चिखला मा संगी घोंडावन।
नानपन के सुरता मन भावन।।

चटनी बासी मन भर खावन।
पैठा-चौरा मा कुदरावन।
दाई के गारी मा चिचियावन।
नानपन के सुरता मन भावन।।

बर पीपर मा झूल-झूल जावन।
लाईट गोल मा बड़ डर्रावन।
खेत के बेंदरा ला भगवावन।
नानपन के सुरता मन भावन।।

बारी के खीरा ला चोरावन।
आमा-अमली ला झर्रावन।
संगी जहूरिया मन सकलावन।
नानपन के सुरता मनभावन।।

संगी मन संग गाना गावन।
चिखला पानी मा इतरावन।
बाँटी-भौंरा रोज चलावन।
बचपन के सुरता मन भावन।।

कतको रुखवा मा चघ जावन।
गिल्ली डंडा खूब भगावन।
पोरा मा पइसा लुकावन।
नानपन के सुरता मन भावन।।

गाँव गली मा उधम मचावन।
झगरा मा कपड़ा चिरवावन।
घर मा आके गारी खावन।
नानपन के सुरता मन भावन।।

नान्हे लइका ला बिजरावन।
भँइसा के पीठ मा चढ़ जावन।
खेल-खेल मा दिन पहावन।
नानपन के सुरता मन भावन।।

डी.पी.लहरे
कवर्धा छत्तीसगढ़

Comments

Post a Comment

Popular posts from this blog

लक्ष्मण मस्तुरिहा

-
Image
हमेशा जवां - खुमान संगीत : कुछ गीतों की सूची (अधिकांश गीतों के गीतकार लक्ष्मण मस्तुरिया)  न भूतो न भविष्यति....... अमर गीत की पहचान यही है कि कहीं मुखड़ा पढ़ो तो वह गीत हृदय में सुनाई देने लगता है। आइये हृदय के रिकार्ड प्लेयर पर उनके गीत सुनें - मोर संग चलव रे........ मँय बंदत हँव दिन रात मोर धरती मैया जय होवै तोर..... मँय छत्तीसगढ़िया हँव गा....... वा रे मोर पँड़की मैना, तोर कजरेरी नैना....... मन डोले रे "माघ फगुनवा" ........ पता ले जा रे, पता दे जा रे, गाड़ीवाला....... चौरा मा गोंदा रसिया मोर बारी मा पताल...... धनी बिन जग लागे सुन्ना रे........ मोला जावन दे न रे अलबेला मोर........ कोन सुर बाजँव मँय तो घुनही बंसुरिया......... बखरी के तूमा नार बरोबर मन झूमे........ तोर खोपा मा फुँदरा रइहौं बन के......... छन्नर छन्नर पैरी बाजे, खन्नर खन्नर चूरी........ हम तोरे संगवारी कबीरा हो............. तोर बाली हे उमरिया............. नाच नचनी रे झूम झूम के झमाझम.......... कइसे दीखथे आज उदास कजरेरी मोर मैना..... प्राण तर जाई रामा, चोला तर जाई......... लहर मारे लहर बुंदिया.......... प...
Read more

छत्तीसगढ़ महतारी

-
Image
पईंया पखारँव तोर ओ, मोर छत्तीसगढ़ महतारी.. मँय गुन ला गावँव तोर ओ, मोर छत्तीसगढ़ महतारी..ll1 तोर कोरा मा जनम धरे, हम तोरेच लइका तान.. कोनो हवे ओ मजदूर बेटा, हवय कोनो ओ किसान..ll2 आरती उतारँव तोर ओ, मोर छत्तीसगढ़ महतारी.. महानदी अउ अरपा पैरी, चरण तोर ओ पखारय.. हरियर करय खेत खार, अउ जीव जन्तु ला तारय..ll3 मँय माथ नवावँव मोर ओ, मोर छत्तीसगढ़ महतारी.. हरियर हरियर जंगल झाड़ी, हवे नदी पहाड़ अउ घाटी.. तोर अंचरा मा सुख पाये सब, महमावत तोर ओ माटी..ll4 आशीष ला पावँव तोर ओ, मोर छत्तीसगढ़ महतारी.. भोरमदेव,सिरपुर ,चंपारण, राजीम बढ़ावय ओ मान.. गिरौदपुरी अउ दामाखेड़ा, हवय गुरू,कबीर के धाम..ll5 रोज फूल चढ़ावँव टोर ओ, मोर छत्तीसगढ़ महतारी.. दंतेश्वरी अउ चंद्रहासनी, मोर रतनपुर महामायी.. मंदिर मस्जिद चर्च गुरुद्वारा, मोर हवय इहाँ बमलाई..ll6 अंचरा मा खेलन तोर ओ, मोर छत्तीसगढ़ महतारी.. रचनाकार डी.पी.लहरे दिनाँक 06-10-18 बायपास रोड़ कवर्धा भोरमदेव साहित्यिक सृजन मंच कबीरधाम छत्तीसगढ़
Read more

मरिया भात..

-
Image
मरिया भात... मरे ऊपर ले  खाथव काबर मरिया भात। जियत म तो भावव नहीं मारेव काबर लात।। दुख पीरा ला देखव नहीं वाह रे मानुष जात। मरे ऊपर ले खाथव काबर मरिया भात।। दुखिया रोवथ रहिथे द...
Read more