गीत गुरु बालकदास

गीत...

सतनामी राजा सतनामी राजा,हे गुरू बालकदास।।

सामंती मन के बजाये बाजा,हे गुरू बालकदास।।

वीर सिपाही योद्धा राखे-2छत्तीसगढ़ के लाज।

सतनामी...

अंतरा-(1)

संपत्ति के अधिकार दिलाये,

राजा रहे बलिदानी।2

*नायिका*

राजा रहे बलिदानी गुरू

राजा रहे बलिदानी...

वीर प्रतापी जग म कहाये,

अम्मर हे तोर कहानी।।

*नायिका*

अम्मर हे तोर कहानी गुरू

अम्मर हे तोर कहानी

वीर सिपाही योद्धा राखे-2छत्तीसगढ़ के लाज।

सतनामी...

अंतरा(2)

पिंडारी मन ला मार भगाये,

करिन जेमन अत्याचारी।

*नायिका*

करिन जेमन अत्याचारी गुरू

करिन जेमन अत्याचारी।

बंदोबस्त गुरू कानून बनाये,

जन-जन ल दे चिनहारी।।

*नायिका*

जन-जन ल दे चिनहारी गुरू

जन-जन ल दे चिनहारी।।

वीर सिपाही योद्धा राखे-2छत्तीसगढ़ के लाज।

सतनामी...

डी.पी.लहरे"मौज"

कवर्धा छत्तीसगढ़

20-07-22