गीत

गीत करमा कहरवा

*नायक*

नइ जीये सकौं ओ..

रानी तोर मया ला छोड़ के//2

*नायिका*

जीव छूट जाही गा...

राजा तोर मया ला छोड़ के//2

*नायक*

चढ़-जीना हे संग मा मरना हे संग मा

जाति के बंधन ला तोड़ के।।//2

*नायिका*

जीव छूट जाही गा...

राजा तोर मया ला छोड़ के//

अंतरा(1)

*नायक*

कुरिया मा हिरदे के कुरिया मा हिरदे के,ए मोर गोरी धाँध ले।

*नायिका*

मया के डोरी गा मया के डोरी मा,ए मोर जोही बाँध ले।

*नायक*

हँसी-खुशी ले जिनगी पहाबो

मया के रिश्ता ला जोड़ के।

नइ जीये सकौं ओ..

रानी तोर मया ला छोड़ के//2

अंतरा(2)

*नायिका*

बिंदिया सजा दे बिंदिया सजा दे,चंदा सहीं मोर माथ मा।

*नायक*

अँगना ले जाहू्ँ कँगना पहिराके,ए गोरी ओ तोर हाथ मा।

*नायिका*

जीना हे संग मा मरना हे संग मा

जाति के बंधन ला तोड़ के

नायक+नायिका

मुखड़ा

गीतकार-डी.पी.लहरे"मौज'

कवर्धा छत्तीसगढ़