गीत

गीत..

*गायक*

कभू छोडँव नहीं तोर साथ ओ..

थामें रहहूँ मयारू तोर हाथ ओ..2

*गायिका*

थामें रहिबे मयारू मोर हाथ गा..

झन छूटय कभू तोर साथ गा..2

अंतरा-(१) *गायक*

मिलके गढ़बो आज मयारू,

हमर मया के कहानी...2

जुग-जुग रइही ए दुनिया मा,

हमर मया के निशानी..2

मन मंदिर के तँय हा देवी-2

मँय हावँव तोर नाथ ओ..

कभू छोडँव नहीं तोर साथ ओ..

थामें रहहूँ मयारू तोर हाथ ओ..2

अंतरा-(२) *गायिका*

ममहावत हे तोर मया ले,

मन के मोर फुलवारी..2

तोर मया मा होगे हावय,

जिनगी मोर उजियारी..2

मया के निशानी लाली सेंदूर-2

आज सजादे मोर माथ मा...

थामें रहिबे मयारू मोर हाथ गा..

झन छूटय कभू तोर साथ गा..2

गीत

डी.पी.लहरे"मौज"

कवर्धा छत्तीसगढ़