सदाबहार छत्तीसगढ़ी गीत

मोर मनके चंदा मँय-

गायक-

तँय हा मोर मनके चंदा,मँय हा तोर अगास ओ..

कर दे अँजोरी जिनगी,आके मोर पास ओ..ll2

गायिका

तोर बिना होवत हावय-2जिनगी उजास गा

मय हा तोर मनके चंदा,तँय हा मोर अगास गा..ll2

करदे अँजोरी जिनगी,आके मोर पास गा...

अंतरा-गायक

तोर मया पाये बर ओ,जिंवरा ललात हे..

देख सुघराई तोर,मन मुस्कात  हे...ll2

गायिका

देख देख तोला बाढ़य,मया के पियास गा.

कर दे अँजोरी जिनगी,आके मोर पास गा...

अंतरा-2 गायिका

तोर सुध मा जियत हावँव,तोर गोठ बात मा..

तोर धुन खोये रहिथौ,रोज दिन रात मा..

गायक

राखे हावँव हिरदे मा-मया के मैं आस ओ..

करदे अँजोरी जिनगी,आके मोर पास ओ..

तँय हा मोर मनके चंदा....

गीतकार-डी.पी.लहरे"मौज"

कवर्धा छत्तीसगढ़