गीत

गीत

मुखड़ा
मोर मयारू जोंही रे..
चले आबे नँदिया करार मा--2

उड़ान-
कुहकथे कारी कोइली--2
(पटक)बइठे आमा डार मा..
मोर मयारू जोंही रे..
चले आबे नँदिया करार मा..2

अंतरा--1
हँस मुस्कावत हावय,आनी बानी फुलवा।
आमा रुख छइँहा मा,झुलबो दूनों झुलवा।।2

उड़ान-
बोहय जुड़ पुरवाई हा--2
(पटक) नँदिया कछार मा..
मोर मयारू जोंही रे...
चले आबे नँदिया करार मा..2l1

अंतरा-2
पड़की परेवना घलो,उड़ उड़ आवत हे।
अपन मयारू संग मा,गोठ
गोठियावत हे।।2

उड़ान-तन मन फिंजोई लेबो--2
(पटक) मया के फुहार मा..
मोर मयारू जोंही रे..
चले आबे नँदिया करार मा..2

अंतरा-3
मैना हा ताना मारे,भौंरा गुनगुनावत हे।
हाय रे पिरोहील मैना,सुरता हा सतावत हे।।2

उड़ान-
कलपथे मोर जिंवरा हा--2
(पटक)बिरहा के मार मा..
मोर मयारू जोंही रे..
चले आबे नँदिया करार मा..2
कुहकथे कारी कोइली.....

गीत
डी.पी.लहरे
बायपास रोड़ कवर्धा
दिनाँक 29-04-19