वियोग श्रृंगार गीत

आबे आबे मन भौंरा रे..
मोर नैना तरसे..
झर झर आँसू बरसे..
तोरे बिना जिये नइ जाय-2

अन पानी भावय नहीं..
सुरता तोर जावय नहीं..
का होगे बैरी मोला,
भूले भुलावय नहीं..

धक धक जिंवरा करे हाय रे-2
तोरे बिना जिये नइ जाय-2

आबे आबे मन भौंरा रे..
मोर नैना तरसे..
झर झर आँसू बरसे..
तोरे बिना जिये नइ जाय-2

सपना तोर सुरता आथे..
तन ला मोर घुना खाथे..
दिन ला पहावँव कइसे,
सुरता तोर आथे जाथे..

सखी सहेली नइ तो भाय रे-2
तोरे बिना जिये नइ जाय-2

आबे आबे मन भौंरा रे..
मोर नैना तरसे..
झर झर आँसू बरसे..
तोरे बिना जिये नइ जाय-
तोरे बिना जिये नइ जाय-

शब्द रचना
डी.पी.लहरे
बायपास रोड कवर्धा
दिनाँक 10-12-18