तोर सुरता

-


तोर सुरता घेरी बेरी आथे जोही मोला..
तोर चेहरा देख लेतेंव तरसत रथे चोला..

सपना म आके मोर जीव ल जलाथस,
दुरिहा जाके  गोरी मन ल ओ रोवाथस।
अइसे लगे तँय का? भुला जाबे मोला..
तोर सुरता घेरी बेरी आथे जोही मोला..
तोर चेहरा देख लेतेंव तरसत रथे चोला..

कुछु सुहाय नहीं मन धकर धकर करथे..
तोर से मिले बर मन लकर लकर करथे..
मन मंदिरवा म मँय बसा डारेंव तोला..
तोर सुरता घेरी बेरी आथे जोही मोला..
तोर चेहरा देख लेतेंव तरसत रथे चोला..

मनमोहनी,तोर सुरता म खवावय नहीं..
दिल जोगनी,अनपानी ह सुहावय नहीं..
हाय मिठलबरी मँय जान डारेंव तोला..
तोर सुरता घेरी बेरी आथे जोही मोला..
तोर चेहरा देख लेतेंव तरसत रथे चोला..

गीत - डी पी लहरे
सर्वाधिकार सुरक्षित है
Dplahre87@gmail.com

Comments

www.ddasjoshi.com said…
BAHUT hi jyada sundar kavita gurudev
May 24, 2018 at 6:39 PM
DP LAHRE"MAUJ" said…
बहुत-बहुत धन्यवाद
May 24, 2018 at 10:23 PM
DP LAHRE"MAUJ" said…
बहुत-बहुत धन्यवाद
May 24, 2018 at 10:25 PM
Post a Comment

Popular posts from this blog

लक्ष्मण मस्तुरिहा

-
Image
हमेशा जवां - खुमान संगीत : कुछ गीतों की सूची (अधिकांश गीतों के गीतकार लक्ष्मण मस्तुरिया)  न भूतो न भविष्यति....... अमर गीत की पहचान यही है कि कहीं मुखड़ा पढ़ो तो वह गीत हृदय में सुनाई देने लगता है। आइये हृदय के रिकार्ड प्लेयर पर उनके गीत सुनें - मोर संग चलव रे........ मँय बंदत हँव दिन रात मोर धरती मैया जय होवै तोर..... मँय छत्तीसगढ़िया हँव गा....... वा रे मोर पँड़की मैना, तोर कजरेरी नैना....... मन डोले रे "माघ फगुनवा" ........ पता ले जा रे, पता दे जा रे, गाड़ीवाला....... चौरा मा गोंदा रसिया मोर बारी मा पताल...... धनी बिन जग लागे सुन्ना रे........ मोला जावन दे न रे अलबेला मोर........ कोन सुर बाजँव मँय तो घुनही बंसुरिया......... बखरी के तूमा नार बरोबर मन झूमे........ तोर खोपा मा फुँदरा रइहौं बन के......... छन्नर छन्नर पैरी बाजे, खन्नर खन्नर चूरी........ हम तोरे संगवारी कबीरा हो............. तोर बाली हे उमरिया............. नाच नचनी रे झूम झूम के झमाझम.......... कइसे दीखथे आज उदास कजरेरी मोर मैना..... प्राण तर जाई रामा, चोला तर जाई......... लहर मारे लहर बुंदिया.......... प...
Read more

छत्तीसगढ़ महतारी

-
Image
पईंया पखारँव तोर ओ, मोर छत्तीसगढ़ महतारी.. मँय गुन ला गावँव तोर ओ, मोर छत्तीसगढ़ महतारी..ll1 तोर कोरा मा जनम धरे, हम तोरेच लइका तान.. कोनो हवे ओ मजदूर बेटा, हवय कोनो ओ किसान..ll2 आरती उतारँव तोर ओ, मोर छत्तीसगढ़ महतारी.. महानदी अउ अरपा पैरी, चरण तोर ओ पखारय.. हरियर करय खेत खार, अउ जीव जन्तु ला तारय..ll3 मँय माथ नवावँव मोर ओ, मोर छत्तीसगढ़ महतारी.. हरियर हरियर जंगल झाड़ी, हवे नदी पहाड़ अउ घाटी.. तोर अंचरा मा सुख पाये सब, महमावत तोर ओ माटी..ll4 आशीष ला पावँव तोर ओ, मोर छत्तीसगढ़ महतारी.. भोरमदेव,सिरपुर ,चंपारण, राजीम बढ़ावय ओ मान.. गिरौदपुरी अउ दामाखेड़ा, हवय गुरू,कबीर के धाम..ll5 रोज फूल चढ़ावँव टोर ओ, मोर छत्तीसगढ़ महतारी.. दंतेश्वरी अउ चंद्रहासनी, मोर रतनपुर महामायी.. मंदिर मस्जिद चर्च गुरुद्वारा, मोर हवय इहाँ बमलाई..ll6 अंचरा मा खेलन तोर ओ, मोर छत्तीसगढ़ महतारी.. रचनाकार डी.पी.लहरे दिनाँक 06-10-18 बायपास रोड़ कवर्धा भोरमदेव साहित्यिक सृजन मंच कबीरधाम छत्तीसगढ़
Read more

मरिया भात..

-
Image
मरिया भात... मरे ऊपर ले  खाथव काबर मरिया भात। जियत म तो भावव नहीं मारेव काबर लात।। दुख पीरा ला देखव नहीं वाह रे मानुष जात। मरे ऊपर ले खाथव काबर मरिया भात।। दुखिया रोवथ रहिथे द...
Read more