ददरिया

छोड़े नइ छुटय मया के बँधना ओ..
मँय ह डोला लेके आहूँ मोर मयारू
ये तोरेच अंगना ओ..!!2!!
मजा ले ले...
चमकत हे चेहरा चँदइनी झुले ओ..
तोर गुलाबी रंग के लुगरा मोर मयारू
ये तोही ल खुले ओ...!!2
मजा ले ले...
गोरी बदन अउ गुरतुर बोली ओ..
मोला अब्बड़ नीक लागे मोर मयारू
तोर बोली ठोली ओ...!!2
मजा ले ले...
मया के रोटी सेंकत रहिते ओ....
तोला कोरा म बईठा के मोर मयारू
ये देखत रहितेंव ओ...!!2
मजा ले ले...
संझा के बेरा मोर जिंवरा डोले ओ..
मोर हिरदे म तँय बस गे मोर मयारू
मोर मन ह बोले ओ..!!2
मजा ले ले...
बाँह भर चूरी तोर हाथ म रहि ओ..
कभु मया नई तो छूटय मोर मयारू
ये डी पी साथ म रहि ओ..!!2
मजा ले ले..
माँघ म सेन्दूर लगाहूँ तोर ओ..
मोर अंतस के मया ल मोर मयारू
ये देखाहूँ तोला हाय ओ..!!2
मजा ले ले

लिखईया-डी पी लहरे
कापी राईट सुरक्षित है
Dplahre86@gmail.com