बेटी

बेटी ल देबी मानथव त
बेटी ल कोंख म मारथव काबर

बेटी ल लछमी मानथव त
दहेज खातिर जलाथव काबर

बेटी ल दुरगा मानथव त
बेटी से अनाचार करथव काबर

बेटी ल महतारी मानथव त
बेटी से अतियाचार करथव काबर

बेटी ल सरसती मानथव त
बेटी के पढ़ई ल छोड़ाथव काबर

बेटी ल चंडी मानथव त
बेटी बर नियत गड़ाथव काबर

बेटी ल काली मानथव त
बेटी के इज्जत ले खेलथव काबर

बेटी ल फूल मानथव त
बेटी के अंतस ल छेड़थव काबर

बेटी ल नारी मानथव त
बेटी से दुराचार करथव काबर

बेटी के पोसन नइ हे त
बेटी के सोसन करथव काबर

लिखईया-डी पी लहरे
कापी राईट सुरक्षित है
Dplahre86@gmail.com