नेता

-

नेता

जनता ल बडे बडे सपना देखईया
किसम किसम के वायदा करईया

चुनई के बेरा पैसा के लालच देवईया
अपन बनाव अउ जेब भरईया

लोगन के आश बिसवास टोरईया
अपन कहे बात ल पलटईया

लालच के सेंती दल बदलईया
गरिब किसान बनिहार ल ठगईया

गुरतुर गोठियाके जनता के खवईया
पीरा नई जानय खुरसी के बईठईया

जिते तहाँ  अपन रंग बदलईया
लबरा होथे नेता चुनई बेरा पाँव परईया

सत्ता ल पाके खुब ईतरईया
नेता मन ददा चिन्हय न भईया

नदा गे पहली के नेता आँसु पोछईया
लोगन के दुख पीरा चिन्हईया

अब के नेता पईसा कमईया
अपन सुख सुबिधा के बढईया

रचनाकार-डी पी लहरे

Comments

Post a Comment

Popular posts from this blog

लक्ष्मण मस्तुरिहा

-
Image
हमेशा जवां - खुमान संगीत : कुछ गीतों की सूची (अधिकांश गीतों के गीतकार लक्ष्मण मस्तुरिया)  न भूतो न भविष्यति....... अमर गीत की पहचान यही है कि कहीं मुखड़ा पढ़ो तो वह गीत हृदय में सुनाई देने लगता है। आइये हृदय के रिकार्ड प्लेयर पर उनके गीत सुनें - मोर संग चलव रे........ मँय बंदत हँव दिन रात मोर धरती मैया जय होवै तोर..... मँय छत्तीसगढ़िया हँव गा....... वा रे मोर पँड़की मैना, तोर कजरेरी नैना....... मन डोले रे "माघ फगुनवा" ........ पता ले जा रे, पता दे जा रे, गाड़ीवाला....... चौरा मा गोंदा रसिया मोर बारी मा पताल...... धनी बिन जग लागे सुन्ना रे........ मोला जावन दे न रे अलबेला मोर........ कोन सुर बाजँव मँय तो घुनही बंसुरिया......... बखरी के तूमा नार बरोबर मन झूमे........ तोर खोपा मा फुँदरा रइहौं बन के......... छन्नर छन्नर पैरी बाजे, खन्नर खन्नर चूरी........ हम तोरे संगवारी कबीरा हो............. तोर बाली हे उमरिया............. नाच नचनी रे झूम झूम के झमाझम.......... कइसे दीखथे आज उदास कजरेरी मोर मैना..... प्राण तर जाई रामा, चोला तर जाई......... लहर मारे लहर बुंदिया.......... प...
Read more

छत्तीसगढ़ महतारी

-
Image
पईंया पखारँव तोर ओ, मोर छत्तीसगढ़ महतारी.. मँय गुन ला गावँव तोर ओ, मोर छत्तीसगढ़ महतारी..ll1 तोर कोरा मा जनम धरे, हम तोरेच लइका तान.. कोनो हवे ओ मजदूर बेटा, हवय कोनो ओ किसान..ll2 आरती उतारँव तोर ओ, मोर छत्तीसगढ़ महतारी.. महानदी अउ अरपा पैरी, चरण तोर ओ पखारय.. हरियर करय खेत खार, अउ जीव जन्तु ला तारय..ll3 मँय माथ नवावँव मोर ओ, मोर छत्तीसगढ़ महतारी.. हरियर हरियर जंगल झाड़ी, हवे नदी पहाड़ अउ घाटी.. तोर अंचरा मा सुख पाये सब, महमावत तोर ओ माटी..ll4 आशीष ला पावँव तोर ओ, मोर छत्तीसगढ़ महतारी.. भोरमदेव,सिरपुर ,चंपारण, राजीम बढ़ावय ओ मान.. गिरौदपुरी अउ दामाखेड़ा, हवय गुरू,कबीर के धाम..ll5 रोज फूल चढ़ावँव टोर ओ, मोर छत्तीसगढ़ महतारी.. दंतेश्वरी अउ चंद्रहासनी, मोर रतनपुर महामायी.. मंदिर मस्जिद चर्च गुरुद्वारा, मोर हवय इहाँ बमलाई..ll6 अंचरा मा खेलन तोर ओ, मोर छत्तीसगढ़ महतारी.. रचनाकार डी.पी.लहरे दिनाँक 06-10-18 बायपास रोड़ कवर्धा भोरमदेव साहित्यिक सृजन मंच कबीरधाम छत्तीसगढ़
Read more

मरिया भात..

-
Image
मरिया भात... मरे ऊपर ले  खाथव काबर मरिया भात। जियत म तो भावव नहीं मारेव काबर लात।। दुख पीरा ला देखव नहीं वाह रे मानुष जात। मरे ऊपर ले खाथव काबर मरिया भात।। दुखिया रोवथ रहिथे द...
Read more