पंथी

👏18 दिसम्बर 👏

आवत हे 18 दिसम्बर,गुरू के जयंती मनाबो....
सुमती से मिल जुर के सब मंगल पंथी गाबो....।

चंउक पुर के घर अंगना म अउ जैत खाम ल सजाबो....
आवत हे 18 दिसम्बर,गुरू के जयंती मनाबो....l

झांझ मंजिरा,मांदर मृदंग मिलके
खूब बजाबो....
आवत हे 18 दिसम्बर मंगल
पंथी गाबो....l

चंउका आरती,हुमधुप देके
पान फूल नरियर चढाबो....
आवत हे 18 दिसम्बर गुरू के जयंती मनाबो....l

सत रद्दा म चले खातिर सादा के झंडा फहराबो....
आवत हे 18 दिसम्बर बाबा के जयंती मनाबो....l

अंधियारी ल दूरिहा भगाके ज्ञान के दीया जलाबो....
आवत हे 18 दिसम्बर घासी बाबा
के जयंती मनाबो....l

गुरू के उपदेश अऊ संदेश ल
घर घर जाके सुनाबो....
आवत हे 18 दिसम्बर गुरू के जयंती मनाबो....l

रचनाकार-डी पी लहरे
               कबीरधाम
गुरू घासीदास जयंती की हार्दिक बधाई एवं शुभकामनाएँ
        ।।।साहेब सतनाम।।।